مقيَّاس الغرام
شعر: عَبدَالله مُحمَّد الرُوَيشِّد
الليَّالي فِي غيَّابِك تصِّير يالغَالِي ظَلاَم
وكِلمَا اشُوفِك بعَينِي تصِّير كِلهَا مِشرقَه
يا بَعد عُمري بدونِك عِفت باللَّيل المَنَام
وصَارت الأَوقَات كِلهَا فِي غيَّابك مِقلقَه
اعشقِك ياالزَّين لك يزدَاد مِقيَّاس الغَرَام
والمَشَاعِر فِي غَرَامك يا بَعد عُمرِي مِتعَلقَه
يا حَبِيب الرُّوح تِحتَّار الهَوَاجِس و الكَلاَم
والمَحَبه لَك فِي اعمَاق الفُؤَاد متعمّْقه
ياحَبِيب الرُّوح لك باعمَاق وجدَاني مَقَام
تَرَى المَشَاعِر ماتبَى الهِجرَان ولاتبي التَّفرِقَه
ترى المَحَبه لك بقلبي كِل ليلَه وكِل عَام
الشوق صَوُبك كل يوم ماشي يقدِّر يسبَقَه
ينبِض بَك إِحسَاس المَشَاعِر واشواق الهِيَّام
يابعدعُمرِي بدونَك ترَى اَبواب المَشَاعِر مُغلقَه
من فِرَاقي تغيَّر مذاقِي ومعاك أَشعُر بلإِنسجَام
لذوقك الراقي زادإشتياقي والروح لك متشَوِِّقَه
عِفت نَومِي هَاي عُلُومِي بقربك ترانِي تمام
يزِّين يَوُمي ازيل همُومِي والفرح وِيَّاك أَتذَوَقَه
تزيد جروحي يا نبض روحي ولاعليا مَلام
يعتِّم طمُوحِي ويضِيق بَوُحِي بذنب التَّفرِقَه
تبى الصَّرَاحَة لُقيَّاك رَاحَه ترى هَالشَّي هَام
يا بلسم جِرَاحَه فِيك ما يمّْكِن تخيِّب الثِّقَه