بقايـا مـدينة
أنا قصيدة حب من غيــــر عنــــوان
وانتي بقايا من معـــــــالم مــــــدينة
من كثر ما سويتلك داخلــــــــي شان
جيتك ولكـــن ما لقيـــــــــت السكينة
جيت اسكنك عشق وتفاصيل وألوان
جيت اقطف غصون الأمل من سنينه
جيت اسكنك فرح ومواويــل وألحان
واثرك حزينة والشــــوارع حـــــــزينة
جيتك يتيم احساس تايـــه وولهـــان
كني أدوّر شـــــــــــــي مــا تــــدركينه
جيت اذكر العهـد القديـــــم الذي كان
وانتي على شـط الهــــــــوى تحترينه
كنتي وكان الحظ يضحكــلي احيــان
وتداعب أمــــــــواج الحيــاه السفينة
لاكنتي المركـــب ولا كنــــــــت ربان
لكن غريــــــب أوطـــــان زايد حنينه
قلبي نزفلك شوق شريــــــــان شريان
يا أجمل احســـــاس الـــــدفا طمنينه
من ضاقت اطراف الشـوارع والأركان
ماضل غيــر الذكــــــــــــريات الثمينة
ذكـــــــرى مكان(ن) مـــــــابقى فيه سكان
من يـــــوم رحتي وغــــــادروا ساكنينه
آنا مواطـــــن بس ماعنـــــــدي أوطان
إلا بقـــــــايا ذكريـــــــات المـــــــدينـــة
برحل واخلي وجــهتي دون عنـــــــوان
وانتي!! ياليـــــــت اللي بقـى تحفظيـنه
الشاعر إبراهيم البطوش
المملكة الاردنية الهاشمية