شليت رزفة
شعر: عبدالله المعمري / الغضيب
شليت رزفة وعالنغم جلت
عيالة وحربي تميل لصفوف
وبيـت الغزل في الشعر قلت
حق الذي من خمسة حروف
ياليت دربه معبد اسفلت
وقت العصر من صوبه اطوف
كم صورت له سناب وارسلت
ابغيه بس يصد ويشوف
كمٍ حييت وكم اقتلت
بعيون سوداء يوم بتشوف
اهداف وسط القلب سجلت
والفوز لك كل يوم معروف
من زود همي كالجبل شلت
وانت ولا بتحس وتروف
دين المحبة لك تحملت
وفبنك المودة شيك مكشوف
رد القلب لي لو تجملت
مااقدر اعيش بقلب مخطوف