معـــذور
شعر: جمعه الحديدي
معذور كم لي في المحبه تغربت
ولولا الغلا ما توهتني المواني
من بعد ما عشت المشاعر وجربت
ومن بعد ما زايف سرابه دعاني
جيت بألم أشكي عذابه وكذبت
كل الكلام العاطفي في الأغاني
هذا الهوى صعبه دروبه و تعذبت
رديت من غاير جراحه أعاني
شرقت في دنيا همومه وغربت
كلّه عذاب ونادر الوقت هاني
ناره لظى ومن حر جمره أنا ذبت
ليله طويل وبالاسى كم ضناني
مرمر سنيني ذاب قلبي وشيبت
من بعد عّزه ردني للهواني
سجيت في بحره ومده أنا غبت
ثم جيت خاسر ما بلغت الأماني
شعر:
جمعه الحديدي