يامتعـــبٍ قلـــبي
الشاعر : عبدالله الناعبي
يامتعـــب (ن) قلـــبي كفـــايه طلبتك
لاتزيـــد همي تجـــرح القلب وتــروح
حبـــك فقلــــبي بداخــلي دوم شلتك
بين الحنايا ســــاكن(ن)وسـط هالروح
تدري حبيـــبي في خفــوقي زرعتـــــك
وسط البطين مشيـد (ن) قصر وصروح
مـــابين روحـــي والخــوافي جعلتــك
إسكـــن فؤادي وين ماتـــريد مسموح
إنتــه حيـاتي والعشــق مـــن عـرفتك
ياعود ورد (ن) من حــلاه طيب بيفـوح
أشــري غرامـــك يالغــلا لا عــــدمتك
وحلفـــت ماخــونك وبالســـد مابـوح
الوقـــت يسـرق من حيـــاتي فرحـتك
والبعـــد عنـــك يقتل القلـب والـروح
خـــذني بصـــدرك ضمني لا فقــدتك
ضمد جـــروح (ن) دمها صـار مسفوح
لا لا تغيّب عـن حيـــــــاتي ضحكتــك
أو لا تغيّب حلـم (ن) بقلب مطــــروح
لــ صرت تجهل أيش تعني حضـــرتك
ما فيني أشـــرح وأنت بالحِل مسموح