الشعــر بـي دار دولابــه
عبدالله بن سيف الشبيبي
الشعــر بـي دار دولابــه
وهيض الخاطر دواليبه
المشــاعــر دوم غلابــه
تسعد القلب وتباهيبـه
يانسيـم الكـوس يالابه
ذكـر الجلــب بمحـابيبه
شل خبري ورد بجوابه
بالسـراعــة لاتبـاطيبــه
صوب يلي القلب يملابه
وفي خفوقي له تراتيبه
ساكنن ومسيس أطنابه
من زمان ولــه مسابيبه
يعـل داره يـود سحابـه
والمـزن بـاتت مساكيبه
لين جوعه تزخر أعشابه
بالزهـر تـزهي معـاشيبه
ليــن ذود البـدو ترعابــه
والغـدر عذبت مشـاريبه
تم نظم الجـول فكتابـه
عد مـا انكتبت أساليبـه