شتات
شعر
يعقوب الحوسني ( يعقوبيات )
لحظة نفي للذات .. احيا غيابك
عايش شتات العمر أحلم عيونك
ابعث سفين الشوق تمخر عبابك
وارجع خلي يدين ارثي شجونك
من بين جمر الشوق تنبت حرابك
وادري بأن الوضع خالف ظنونك
ظنيت لا من غبت .. انسى جنابك
ما تدري إني طير واضوي غصونك
طيفك يمر ع البال .. والقلب شابك
ينده علي (يعقوب) واا قول عونك
ما اقول انك (حظ) والله جابك
لكن اقول العمر ضايع بدونك
راجع قرارك عاد واحسب حسابك
واحسبني لاجئ مستجير بحصونك