رسالة
______________
شعر: عبدالله الحرابي
بغيابها ما عاد لي طعم الحياه
يا من بيحمل لي رسالة عندها
يامن يخبرها عن الشوق وضماه
هذا أنا محبوبها من بعدها
راحت وقلبي بعدها مدري بلاه
يا كثر ما قلبي علق في ودها
من يومها والهم رافقني شقاه
وهذا المكان اللي شهد في فقدها
ماشي بقى إلا خيالات وصداه
وذاك السراج اللي انطفى من خدها
كانت ترمسني صباحي مع مساه
وكانت معي اهي ولحد(ن) قدها
وكانت ملاذي وكانت القلب وغذاه
مدري على الفرقا إيش هوه حدها
ياليت .. لو للحب قانون وقضاه
إن كان أنا برفع قضيه ف ضدها
من بعدما شممتني الورد وشذاه
ومن بعدما قلبي تذوق شهدها
هي ألعبتني لعبة الحب وهواه
ويا للأسف ماشي بقى من عهدها
لعبة حظوظ ومن كسب قلبي غلاه
أبا اعترف أصبحت لعبه ف يدها
اخطاي قلبي يدفع الحب بخطاه
غلطه .. يوم(ن) جيت يدي امدها
صدقتها في لحظة الحب وحلاه
وهذي النتيجه نار يشعل وجدها
هي علقتني لا بأرض ولا سماه
أيام حزني كم صرت اعدها
لي كانت الدنيا معي حلم ومناه
ذيك الأماني انطوت مع بعدها
هي عاهدتني واخلفت وعدي وفاه
من بعد ذاك الحب هدتني صدها
كل السنين وقلبي عايش في عماه
جازيتها ب الحب جزتني بحقدها