تسألي ..
شعر: ناصر الضامري
تسألي.. معقولة أنك تسألين؟
ياترى وش صار..وش ذكرك فيني؟
معقولة .. إنك في ثواني ترجعين
ما دريتي في سؤالك تجرحيني
إتصالك شوق ؟.. ولا تشتكين؟
ولا إنك في عذابي تزرعيني؟
تذكريني كلما صديت عنك تقبلين
وكلما لاجيت صوبك تمنعيني
والصاحب اللي باعني ما تذكرين
لا ما هجيته من طباعه يشتريني
وما بقى فيني ولا ذرة حنين
وما أبي ذكرى ولا طاري السنيني
وما بقى إلا حكايات الحزين
وأختفى مني شموخ في جبيني
ياترى هذا شعورك ولا إنك تكذبين؟
ولا انك في سؤالك تخدعيني ؟
معقولة صرت في غيابك تسألين
والسموحة.. من كتابك أمسحيني