إنتي الشوق
شعر: غـازي بن عـالي الشمري
عـظيمه هالـقلوب الـلي تعيش ب عالمه حلمين
عـلى لـيلٍ نسيمه .. باب وانتي الشوق حارسته
يـهيمك مـن عـزف لـك بالمعاني داخل الضلعين
عـلى احـساسك الـباذخ قرع من شانك أجرسته
عـلى جـيتي مـن الـفرحه على آبي على تشرين
عـلى شـوقٍ رفـع يـمناه ب إحـساسه وخـامسته
مـن الـفرحه نـسيت اقـول يـاحيي فدتك سنين
فـداك الـلي مـن الطنيه صرخ عزوه ب سنعسته
تـطـاول غـيبتك رجـلٍ نـسج مـن عـالمه تـكوين
شـمـوخه طـيـب يـاحـيّه فـخر لا قـيل نـومسته
أحـبـك كـثـر مـا اكتب قـصيدي بـالجنون يـحين
واحـبك كـثر مـا حن الـخفوق لشـوف فـارسته
واحـبـك أكـثـر مــن أول أحـبـك غـايتي تـدرين
أحـبـك يـالـشعور الـلـي مــن أول يــوم لامـسته
تـعالي لـي بـعللك بـقصيدي .. والـحروف إتـبين
حـضورك صبحٍ أشرق بي من إحساسك تنفسته
أشـوف إغـيابك مـطول أشـوفك مـاتبين إتجين
إزار غـيـابك الـقـاسي خــذى مـن قـدك ألـبسته
وش أكتب فيك لا مني مللت اهيم ف التخمين
أخــمّـن مـــره إتـحـبـن كـثـير أمــرار وسـوسـته
كـرهت الـشعر والابيات كرهت أسرابك الغاوين
كـرهت الخاطر اللي فيك من الاحساس قوسته
عـلى خـد الـغياب الـلي رسم من صورتك تلوين
عـلـى بــرواز صـورتـك الـبـهيّه قـمت هـوجسته
وانـاظر وجهك ب عيني وأشوفك روعة الغالين
حـنين ب كـفي الـصوره غلا ب إحساس بوسته
تسافر بي من أشواقي من أحداقي على اللاهين
وانـا دايـم ألاحي بك حنيني فيك ( كرسته ) ..
فـمان الـحلم يـوم انـي ألـوّح ب الكفوف إيدين
وعـيـني دمـعـها عِــزآ إلـى هالـحين حـابسته ..