الصيف أقبل
الصيف أقبل وما يبي جلسه بلاد
يبغي سفر لديار فيها بروده
حد قاللي لندن وحد يمدح تشاد
والقلب يبغي دار خالٍ حسوده
دارٍ بها أنهار وغزلان واجياد
فيها جمال الكون محلى وجوده
يا صاحبي عيشتك مرة ولا تعاد
وراح العمر والشيب أول جنوده
خلك سمح وابعد عن الضيج وعناد
ترى الوقت يمضي والخلايق رقوده
سافر .. تمشّى كل يومٍ لك بلاد
ترى الحياة رحلة ذهابٍ وعوده
ورافق خيار الناس لن صرتوا بعاد
و اسرح في هذا الكون تعرف حدوده
واقطف زهور من كل بستان ترتاد
واشرب شراب الزعفران وروده
واوصيك لا تغفل صلاتك وتعتاد
على الكسل والنفس خلها ودوده
هذا كلامي واطلب الله نشاد
يجعل لنا في جنة الخلد عوده
محمد خليفة الهنداسي - ود القصاد