نجم الثريا
شعر: يعقوب الحوسني ( يعقوبيات )
أنا مـ َ ادري إذا انته معايا
أو انته بعيد يا نجم الثريّه
أخاف التيه في صحرا النوايا
واخاف الموت انطر واا تريّه
إذا ما لي على دربك سرايا
فصارحني ولا تجني عليّه
تراه الخوف سوا بي سوايا
ولا اقدر بعد اصبر شويّه
فلا تركن غرامي في الزوايا
وتاخذ ذنب من حطك هويّه
أنا أعلنت مكنون الخفايا
و بحت بقصة ٍ كانت خفيّه
وخاضع لك وانا بكامل قوايا
ولك أمر القياده للرعيّه
وراضي بالحكم لو به عنايا
تعال احكم علي وانهي القضيّه