الحب
الحب ماهو كلام وتسلي
الحب موت الناس راحو ضحية
وحدٍ يكون الحب عنده تغلي
مايرتضي ألا تقدم هدية
ياكم عين وعين صارت تهلي
الجروح لي داخل خفها خفيه
أنا ابتليت بحب حبه تبلي
الله يعين النفس يلي شقيه
والطير يلي طار غيره يحلي
لكن بعض الناس دايم وفيه
تنحط فوق الراس فوقه تعلي
تقسم هموم القلب يلي آسيه
هذا وليف القلب شوفه يسلي
من نظرت عيونه حياتك رضيه
يعطيك ماعنده ولا هو مذلي
لخلاق لي فيهم تكفّي كفيه
بظلله في ظل قلبي وظلي
دام الحياه والروح نبقى سويه
الحب ماهو كلام وتسلي
الحب موت الناس راحو ضحية
شعر:
سعيد الدهماني