ضجيج العاصفة
رثاء للوالد مفتاح بن راشد الهنداسي الله يرحمه ويسكنه الفردوس الأعلى من الجنة يارب العالمين
شعر : عبدالله الحرابي
حزين وجدران الأسى تفكك جروحي النازفه
واضواء شارع هالرحيل ضاعت في صمت البارحه
كنه توقف هالزمن يكتب مآسي العاطفه
أنين واوجاع الفراق تنعي قصيده جامحه
وبسم الله ياقلبي عليك وانته ف ضجيج العاصفه
كنها المدينه اغرقت حلمٍ ومرها سارحه
وأنا وشعري والحزن واروي وأكتب سالفه
عن قصة الموت العجيب عمي دفنت البارحه
ياوجعي ياكبر العنا لا صار كسري عارفه
ولا صار يهزمني الممات اقروا علي الفاتحه
خارت قواي يومها الأقدار ماهي ناصفه
أغلقت ازرار الحياه ماعاد نفسي طامحه
اتبدل الفرح بحزن وطاحت نخيلٍ واقفه
وراحت ياعمي ضحكتك وملقاك وسمح لمصافحه
ليتك تشوف ادموعنا من حزنها هي جارفه
ماوقفت ياعمي أبد ليت المنايا مازحه
وليت الخبر ماهو صدق وياليت ماني عارفه
البارحه توك هنا هيبه ونفسك سامحه
كل الزوايا تفقدك وكرسيك ودربك عازفه
ومسباحك والقرآن الكريم سجادة غيابك شارحه
خليت ياعمي المكان عقبك عيونّا ذارفه
وعقبك خنقنا هالشعور الاقدار صارت جارحه
نرفع أيادي ب الدعاء وقلوب تدعو مرهفه
في جنة الله والنعيم روحك بجنه رابحه