حبك سكن
شعر: سعيد الدهماني
حبك سكن مابين قوسين
وسط الحنايا داخل الروح
قلبي زرعته لك بساتين
من الياسمين وروده تفوح
رمان(ن) وتفاح(ن) وتين
مسموح لك يازين مسموح
تسكن في لب القلب والعين
مفتاح قلبي عندك وروح
دام المحبه بين الاثنين
نتقاسم العمرين والروح
غالي وتسوى لك ملايين
فيك الثنايا در منصوح
غض الصبا سيد المزايين
لاتشط بي يازين وتشوح
مرت بنا الأيام وسنين
وأنا عليك احن وانوح
لوكان وصلك صعب ومحين
الروح فدوه لجلك تروح